विभागीय माहिती कार्यालयात मराठवाडा मुक्ती संग्राम दिनानिमीत्त ध्वजवंदन

प्रकाशन दिनांक : 17/09/2020

औरंगाबाद, दि. 17- मराठवाडा मुक्ती संग्राम दिनानिमित्त माहिती व जनसंपर्क महासंचालनालयाच्या विभागीय माहिती कार्यालय, जिल्हा माहिती कार्यालय आणि माहिती केंद्र, औरंगाबाद यांच्या संयुक्त विद्यमाने ध्वजवंदनाचा कार्यक्रम विभागीय माहिती कार्यालय परिसरात संपन्न झाला. यावेळी मराठवाडा विभागाचे संचालक (माहिती) गणेश रामदासी यांच्या हस्ते ध्वजारोहण करण्यात आले.     

या प्रसंगी सर्वांनी राष्ट्रीय ध्वजास सलामी देऊन राष्ट्रगीत म्हटले. यावेळी सहायक संचालक प्रमोद धोंगडे, माहिती अधिकारी मीरा ढास, माहिती सहाय्य्क संजीवनी जाधव, श्याम टरके, रेखा पालवे आदींसह संचालक कार्यालय, जिल्हा माहिती कार्यालय, माहिती केंद्रातील कर्मचाऱ्यांची उपस्थिती होती.